Category: Dhamma Myanmar

Dhamma Text – Myanmar

မိမိနှင့်တရားအားထုတ်ခြင်းရယ်၊ စိတ်ဖိစီးမှုပြဿနာရယ်

မိမိနှင့်တရားအားထုတ်ခြင်းရယ်၊ စိတ်ဖိစီးမှုပြဿနာရယ်

ဘုန်းကြီးမှာလည်း စိတ်ဖိစီးမှုမရှိဘူးမထင်ပါနဲ့။ အလုပ်ကြီးမားလေ တပည့်များအတွက် အလုပ်အတွက် အဆင်မပြေဖြစ်မှာစိုးလို့ စိတ်ဖိစီးမှုဖြစ်ရပါတယ်။ သာသနာတစ်ခုလုံးအတွက်စိတ်ပူလို့ စာရေးစာချတဲ့အလုပ်ဟာလည်း စိတ်ဖိစီးမှုကိုဖြစ်စေတာပါပဲ။ ဆိုဆုံးမရလွယ်ကူတဲ့တပည့်များရှိသလို လုပ်ချင်ရာလုပ်တဲ့တပည့်များကြောင့်လည်း စိတ်ဖိစီးမှုဖြစ်တတ်ပါတယ်။

စာရေးရတဲ့ဒုက္ခကလည်း ရံခါစိတ်ဖိစီးမှုကိုဖြစ်စေပါတယ်။ ခုတော့ ၅၂- နှစ်ဆိုတော့ အသက်ကမငယ်တော့ဘူးလေ။ ဒါကြောင့် တတ်နိုင်သမျှစိတ်ဖိစီးမှုကင်းဝေးအောင် တရားဂီယာများများထိုးပြီး ဘဝကိုမောင်းနှင်ဖို့ပြင်နေပါတယ်။ နေရမည့်အချိန်ထက်သေရမည့်အချိန်ဆိုတာ ပိုနီးလာနေလို့ပေါ့။ စိတ်ပူနေလည်းဘာမှဖြစ်မလာမည့်အရာတွေအတွက် စိတ်မပူအောင်ကြိုးစားနေထိုင်သွားရမှာပါ။

တရားအားထုတ်တတ်တာကတော့ အတော်ကိုကောင်းမွန်တဲ့ antibiotic သို့မဟုတ် antidote သို့မဟုတ် Remedy တစ်ခုဖြစ်ပါတယ်။ အတော်အတန်စိတ်ဖိစီးမှုဖြစ်လာရင် စင်္ကြံလျှောက်ရင်းခြေထောက်နှင့်မြေကြီးကြမ်းပြင်ထိတိုင်းသိနေအောင် ထိသိပျက်အမှန်သိနေအောင် တစ်နာရီလောက်ကြိုးစားနေလိုက်ရင် ဖိစီးမှုဟာပျောက်ကိုပျောက်ရပါတယ်။ သို့မဟုတ်က—- အောက်ပါအတိုင်းဖြစ်တတ်ပါတယ်။

Stress ကြောင့် “အဆစ်အမြစ်နဲ့ ကြွက်သားတွေကိုက်ခဲနာကျင်ခြင်း၊ ရောင်ရမ်းခြင်း၊ တင်းကြပ်ခြင်း၊ အရိုးရဲ့အရင်းပိုင်းမှာနာကျင်အခံရခက်ခြင်း၊ အရိုးပွလေ့ရှိခြင်း၊ အရိုးပွရောဂါရတတ်ခြင်း၊ နောက်ကြောဘက်နဲ့ဇက်ကြောပြင်တွေမှာကြွက်သားတက်ခြင်းတင်းကြပ်ခြင်းများ ဖြစ်ပါတယ်”။

သူများတွေတော့မသိ။ ဘုန်းဘုန်းတော့ အဲ့ဒီပုံပေါ်မှာဝိုင်းပြထားတဲ့ joints and muscles နေရာမှာစိတ်ဖိစီးမှုကြောင့်ရတဲ့ နာကျင်ကိုက်ခဲမှုတွေကိုစပြီးခံစားနေရပါပြီ။ စောစောစီးစီးသတိတရားလက်ကိုင်ထားပြီး ငယ်စဉ်ကတည်းက ဘယ်သူ့ကြောင့်မှစိတ်ဖိစီးမှု မရကြပါစေနဲ့။ အင်း—ဆင်ခြင်စရာတွေ အရွယ်ငယ်သေးစဉ်မသိသာပေမဲ့ အသက်ကြီးလာတဲ့အခါ အကုန်သိသာလာတယ်။ ဒါတောင်အိပ်ယာထသည်နှင့်တပြိုင်နက် အာနာပါန ခေါ်တဲ့ ဝင်သက်ထွက်သက်ကို တမ်းပြီးစိတ်ကပ်တဲ့ တရားအလေ့အကျင့်ရှိနေပေသေးလို့တော်သေးတယ်။

ဒါကြောင့် အားလုံးကိုသတိပေးချင်တာက ငယ်စဉ်ကတည်းက ဘယ်သူ့ကြောင့်ဘာကြောင့်မှ စိတ်ဖိစီးမခံပါနဲ့ သူများတွေကိုလည်း စိတ်ဖိစီးအောင်မလုပ်မိပါစေနဲ့။ စိတ်ဖိစီးမှုဖြစ်ပြီဆိုရင်လည်း အကြာကြီးကိုယ့်စိတ်ထဲမှာ အချိန်ပေးမထားပါနဲ့။ တစ်ဘက်ကလူကဘာမှမသိပေမဲ့ စိတ်ဖိစီးခံရတဲ့သူမှာ အတော်စိတ်ဆင်းရဲကိုယ်ဆင်းရဲဖြစ်ရတတ်ပါတယ်။ တဘက်ကတော့ ကိုယ်စိတ်ဖိစီးနေတာကိုပဲ အကြင်နာနှလုံးသားကင်းမဲ့ရင် ဝမ်းသာပီတိပင်ဖြစ်နေနိုင်မလားမသိ။

ကိုယ်အပေါ်ချစ်ခင်ကြင်နာတတ်သူများအတွက် စိတ်ဖိစီးမှုဖြစ်ရတာဟာ မသိသာလှပေမဲ့ ဖြစ်ရင်တောင်မှ သူတို့ရဲ့မေတ္တာအစွမ်းကပြန်လည်ကုစားပေးနေသော ဆေးမျိုးဖြစ်လို့ ခံနိုင်ရည်ရှိပေမဲ့ ကိုယ့်အပေါ်ချစ်ခင်ကြင်နာမှုဆိုတာလည်းမရှိ ကိုယ်ကမေတ္တာစေတနာအားကြီးသလောက် ကိုယ့်ကိုနှလုံးပင်သွင်းဖေါ်မရတဲ့သူတွေအပေါ်မှာ စိတ်ဖိစီးမှုဖြစ်ပြီဆိုရင်တော့ အသက်တိုပြီသာမှတ်ပေတော့။ ခုပုံပါရောဂါမျိုးတွေကို အပြည့်သာလွယ်ထားပေတော့။

သတိပဋ္ဌာန်အလေ့အထကျင့်နိုင်ကြ၍ အနိစ္စဟုရှုမြင်ကာ ဝိပဿနာအလေ့အထ နေ့စဉ်ရလျှက် stress ခေါ်တဲ့ စိတ်ဖိစီးမှုတွေကို နည်းမှန်လမ်းမှန်ဖြင့် လျှင်မြန်စွာ letting go လုပ်နိုင်ကြပါစေ။ လျှော့ချနိုင်ကြပါစေ။ အပ္ပမာဒေန သမ္ပာဒေထ။

မိမိရေးသောစာအုပ်များ စီစဉ်ကူညီသူများအထွက် သြဝါဒကထာ

မိမိရေးသားသောထုတ်ဝေနေသောဓမ္မစာအုပ်များနှင့်မိမိ၏ရည်ရွယ်ချက်စိတ်နေစိတ်ထားကို တပည့်အလိမ္မာများအားသြဝါဒကထာချီးမြှင့်ပေးခြင်း

မိမိ၏ဓမ္မစာပေများသည် ငွေရေးကြေးရေးစီးပွားရေးအရ ထုတ်ဝေသည်မဟုတ်။ ဓမ္မ၏ universal values, quality and dignity တို့ကြောင့်သာ ကုသိုလ်စေတနာသန့်သန့်ဖြင့်ထုတ်ဝေခြင်းဖြစ်ပေ၏။

မိမိသည်ဒီနေ့အထိ ငွေကိုကိုင်တွယ်သာယာခြင်းမရှိ၍ ထိုစာအုပ်များမှရရှိသောဝင်ငွေထွက်ငွေကိုလုံးဝမသိပါ။ သိဖို့လည်းမကြိုးစားခဲ့ပါ။ တပည့်အလိမ္မာများဝိုင်းဝန်းလုပ်ဆောင်၍သာ အဆင်ပြေခြင်းဖြစ်ပေ၏။ ရရှိသမျှအကျိုးအမြတ်ကို စာအုပ်များပြန်လည်ထုတ်ဝေရန်သာအသုံးပြုဖို့ သြဝါဒပေး၍ တပည့်ဦးပဉ္ဇင်းများနှင့် စာအုပ်ထုတ်ရန်တာဝန်ယူထထားသော မိမိ၏ဒကာတစ်ယာက်အား တာဝန်ပေး၍ ဤလုပ်ငန်းကိုစတင်ခဲ့ပေ၏။

ထို့ကြောင့်မိမိ၏ဓမ္မစာအုပ်စာပေများကို by bargaining အကျိုးအမြတ်အတွက်ဈေးဆစ်ဈေးတင်ပုံစံဖြင့်ဘယ်တော့မျှလုပ်မည်မဟုတ်ပါ။ ထိုစာအုပ်လွယ်ကူစွာရရှိနိုင်ရေး အားထုတ်ပေးကြသော မိမိ၏တပည့်အလိမ္မာများသည်လည်း မိမိနှင့်တစ်ထပ်တည်းသော စိတ်စေတနာရှိကြပေ၏။

ထို့ကြောင့် ဘုန်းဘုန်း၏နှလုံးသားကို နားလည်၍ ဓမ္မစာအုပ်စာပေများ၏တန်ဖိုးကို ခံစားတတ်ပြီး ဓမ္မစာအုပ်များပြန့်ပွါးအောင် ဘာအကျိုးအမြတ်ကိုမျှမမျှော်လင့်ကြဘဲ မိမိတို့၏သမ္မာဝါယာမကုသိုလ်စေတနာသန့်သန့်ဖြင့် စိတ်ပါလက်ပါလှိုက်လှဲစွာ ကူညီပေးကြသော တပည့်ဒါယကာအားလုံးကိုလည်း ကျေးဇူးအထူးတင်ပါကြောင်းသမိုင်းဝင်မှတ်တမ်းတင်အပ်ပေ၏။

အထူးသဖြင့် ဘုန်းဘုန်း၏တပည့်ဒါယကာအလိမ္မာများဖြစ်ကြသည့်
မန္တလေးရန်ကုန်အပါအဝင် တစ်နိုင်ငံလုံးနေရာအနှံ့အပြားမှာရှိကြသော ဘုန်းဘုန်း၏ဓမ္မစာပေများကို ကိုယ်ဖိရင်ဖိစောင့်ရှောက်ထိမ်းသိမ်းပေးနေကြသော ဘုန်းဘုန်းချစ်သော Senior junior ဂိုက်များ၊

စေတနာသန့်သန့်ဖြင့် သာသနာပြန့်ပွားရေးကို ကိုယ်တိုင်ထမ်းပိုးသယ်ဆောင်ကာ ကုသိုလ်ယူခဲ့သော ယခုအခါ ဂိုက်သင်တန်းများအောင်မြင်စွာပို့ချသင်ပြပေးနိုင်နေပြီဖြစ်သော ဒကာကြီး ကိုဝင်းဇော်ဦး (မန္တလေး)၊

အခါအားလျှော်စွာ ဟိုကမှာဒီကမှာသည်များကို ဧည့်သည်တစ်သိုက်ဖြင့် ရောက်ရောက်လာကာ ဓမ္မဒါနကုသိုလ်ပြုတတ်လေ့ရှိသော မကလျှာ(အီတလီဂိုက် ရန်ကုန်)၊

အလားတူဧည့်သည်တစ်သိုက်ဖြင့်ရောက်ရောက်လာတတ်၍ အမြဲလိုလိုဓမ္မဒါနကုသိုလ်ဖြူစင်စွာ ယူလေ့ရှိသော Senior junior ဂိုက်များအားလုံးကို ဘုန်းဘုန်းအနေဖြင့် ကျေးဇူးအထူးတင်ကြောင်း သမိုင်းဝင်မှတ်တမ်းတင်လိုက်ရပေ၏။

အချို့နာမည်တတ်၍မဖေါ်ပြသော်လည်း ဘုန်းဘုန်းစိတ်ထဲတွင် အမြဲတမ်းသတိတရရှိနေကြသူတွေလည်းများစွာရှိနေပါကြောင်း မှတ်တမ်းတင်အသိအမှတ်ပြုလိုက်ရပေ၏။

June 7, 2019, 3:00 a.m.
သင်တို့အတွက်အမြဲထာဝရ မေတ္တာပို့သလျှက်
ဘုန်းဘုန်း။

မှတ်ချက်။ ။ခုလောလောဆယ်မိမိအနားတွင်ရှိနေသော စာပအုပ်များကိုတင်ပေးထားခြင်းတည်း။ နောက်ထပ်အသစ်ထွက်မည့်စာအုပ် “Science Encountered Mindfulness of Buddhism” ကို လာမည့် October လောက်တွင် offset တင်နိုင်အောင်ကြိုးစားနေပါသည်။ ဘုန်းဘုန်း၏မွေးနေ့ပြည်ထောင်စုနေ့တွင် ထွက်ပါလိမ့်မည်။

ဤစာအုပ်စာပေများနှင့်တွေ့ထိသူမှန်သမျှ ကိုယ်စိတ်နှစ်ဖျာချမ်းသာမှုရရှိကြပါစေ။ မိမိ၏မှန်ကန်သော သစ္စာစကားကြောင့် ဤဓမ္မစာပေများနှင့်တွေ့ထိကြသူ မြန်မာအပါအဝင် ကမ္ဘာသူကမ္ဘာသားအပေါင်းဓမ္မဖြင့်ငြိမ်းချမ်းကြပါစေ။

စဉ်းစားမိတိုင်းစိတ်မကောင်းဖြစ်တယ်မြန်မာပြည်

စဉ်းစားမိတိုင်းစိတ်မကောင်းဖြစ်တယ်မြန်မာပြည်

မြန်မာပြည်မှာတရားဟောသလို နန္ဒမင်းသားအကြောင်းကို သေချာဟောပြနေတာ။ နန္ဒမင်းသားကိုအရှင်လတ်လတ်နတ်ပြည်ခေါ်သွားတယ်ဆိုတာကို ဘုန်းကြီးရဲ့critical brain က လက်ခံဖို့ခက်ခဲခဲ့ပါတယ်။ အခုအမေရိကန်တွေဒီလိုတရားမျိုးတွေကို စိတ်ပါလက်ပါနာယူတတ်လာတာကတော့ တကယ့်ကိုစိတ်ဝင်စားအားတက်စရာပါ။ ဆရာတော်ကြီးဘိက္ခုဗောဓိရဲ့ အမေရိကန်တပည့်တွေရဲ့အရည်အသွေးကို ခန့်မှန်းကြည့်ရင်သိနိုင်တယ်။ ဒီတရားဟာ ပြီးခဲ့တဲ့ (၁၁) နာရီတုံးကမှတက်လာတာ။ အမေရိကန်တွေဗုဒ္ဓဘာသာကိုလေ့လာသင်ယူနေကြတာကတော့ အလွန်ကိုအားကျစရာပါ။

နောင် (၁၀)နှစ်အတွင်းမှာ အမေရိကန်မှာ ဗုဒ္ဓဘာသာအမြင့်ဆုံးအဆင့်ကိုရောက်နိုင်ပါတယ်။ မြန်မာပြည်တွင်းမှာတော့ သာသနာကွယ်ပတဲ့ဘက်ကိုရွေ့နေတာက ခပ်များများစိတ်မကောင်းပါဘူး။ တကယ်ဆိုဘုန်းဘုန်းနေမကောင်းပါဘူး။ သို့သော်လည်း မြန်မာတွေအမြင်မကျဉ်းအောင်ကြိုးစားနေပါတယ်။ အမေရိကန် ကနေဒါဘက်က တရားတွေအတော်တက်လာတာတွေ့ရတယ်။

ရွှေမြန်မာတို့ရဲ့နောင်ဆယ်နှစ်မှာ ဗုဒ္ဓဘာသာဘုန်းကြီးကျောင်းတွေဟာ စူပါမားကက်တွေများဖြစ်ကုန်လေမလားလို့ အတွေးစိတ်တစ်ချက်ဝင်မိပါတယ်။ ဘာဖြစ်လို့လဲဆိုတော့ ဘုန်းကြီးကျောင်းတွေက ၃ ထပ် ၄ ထပ်စသည်ဖြင့် အပြန်စားတွေဆောက်ထားတာလေ။ အထဲကြတော့ပရိယတ်ပဋိပတ်အားထုတ်သူမရှိဘဲ ယောင်ဝါးဝါးတွေများလာတယ်။

ဘုန်းကြီးရဲ့နှလုံးသားခံစားမှုအတိုင်းပြောရရင် ၂၁ ရာစုမှာ ဖန်ဆင်းရှင်ဘုရားသခင်ဝါဒတွေဟာ မြန်မာအစရှိတဲ့ ဆင်းရဲတာရှည်ပြီး မတိုးတက်မဖွံ့ဖြိုးတဲ့နိုင်ငံတွေမှာ ခြေကုပ်ယူပြီးသူတို့သာသနာကြီးပွားရေးအားထုတ်လတံ့။ သိပ္ပံပညာနှင့်သဟဇာတဖြစ်သော ဗုဒ္ဓဘာသာသည်ကား ချမ်းသာပြီးဖွံ့ဖြိုးပြီးနိုင်ငံများသို့ရွေ့ပြောင်းထွန်းကားပြီး ဓမ္မအရောင်ထွန်းလင်းပြောင်ကာ ကမ္ဘာကြီးကိုလင်းလက်စေလတံ့။

ခုဘုန်းကြီးကိုယ်တွေ့အရ ဗုဒ္ဓဘာသာတရားတွေကိုတက်တက်ကြွကြွ သင်ပြကျင့်ကြံအားထုတ်နေသူတွေဟာ ဆရာဝန်ကြီးတွေ သိပ္ပံပညာရှင်ကြီးတွေ တကယ့်ကမ္ဘာကျော်တွေကလက်ခံလာကြတာများတယ်။ မြန်မာပြည်အတွက်ကတော့ စဉ်းစားမိတိုင်းစိတ်မကောင်းဖြစ်ရပါတယ်။ ခုအချိန်အထိ အစဉ်အလာသမားတွေကအများကြီးပါပဲ။

Facebook နှင့် အသုံးပြုသူများ၏စိတ်နေစိတ်ထား

Facebook ပေါ်ကစကားတွေကို ဘယ်နှစ်ယောက်ကယုံဘယ်နှစ်ယောက်ကအလေးထားလဲမသိဘူးနော်။ ခု ဘုန်းဘုန်းဖျားလို့ဖျားတယ်လို့ အချို့ဒကာတွေမသိမှာစိုးလို့ သိအောင်ရေးတင်ထားတာ အချို့တပည့်ဒကာအရင်းတွေတောင် တကယ်မသိတာလား မသိဟန်ဆောင်တာလား သိရဲ့သားနဲ့ပဲ ရေးတင်တဲ့စာကိုမယုံတာလားမသိဘူး။ ဖုန်းဆက်ပြီးမှ နေမကောင်းဘူးဆို ဪ–ဟုတ်လားဘုရားဆိုတာမျိုး။

ဘုန်းကြီးရဟန်းသံဃာလိမ်ညာကောင်းသည်မဟုတ် လိမ်ညာပြောလျှင် အာပတ်သင့်၏။ မယုံကြရင်လည်း အယုံအကြည်မရှိကြတဲ့ ဒီ မျက်နှာစာအုပ် Facebook ကြီးကို အချိန်ကုန်ငွေကုန်ခံပြီး ဘာကြောင့်များသုံးနေကြသေးလဲနော်။

တကယ်တော့ ကိုယ့်တွေ့အရပြောရရင် ရဟန်းတစ်ပါးစစ်စစ်ဖြစ်ဖို့ဆိုတာ လွယ်ကူတာတော့မဟုတ်ဘူး။ ဧကစာရီတောရဆောက်တည်ရတဲ့ ရဟန်းတစ်ပါးရဲ့ဘဝဟာပိုပြီးခက်ခဲတယ်။ ဆွမ်းခံစား တစ်ထပ်စား ရွှေငွေစွန့် ရွတ်ရွတ်ချွန်ချွန်ကျင့်နိုင်မှသာကောင်းတယ်။ သေရင်သေမသေရင်တရားထူးရဆိုတဲ့စိတ်မျိုးရှိမှကောင်းတယ်။

ဘုန်းကြီးမှာ ငယ်စဉ်ကအစာအိမ်ရှိဖူးတယ်။ ခုအဲဒါပြန်ဖြစ်မှာ နည်းနည်းစိုးရိမ်နေတယ်။ ရဟန်းဘဝဆိုတာ လူ့ဘဝလို ကိုယ်စားချင်ရာစားလို့ရတာမဟုတ်ဘူး။ ဒကာများလှူတာနဲ့သာမျှတရတာ။ မီးဖိုထားပြီးချက်စားတဲ့နည်းကလည်း ဝိနည်းနဲ့ညီဖို့မလွယ်ဘူး။ မိမိရဲ့ဒကာတွေကလည်း တတ်သိနားလည်ပြီး သဒ္ဓါတရားနဲ့ပြည့်စုံတဲ့ ဒကာတွေဆိုရင်တော့ ကံကောင်းတာပေါ့။ ဒီလိုမဟုတ်ရင် အသက်တိုသွားနိုင်တယ်။ သို့မဟုတ်ရှေ့တိုးလို့မရ နောက်ဆုတ်လို့မရ ဒုက္ခတွေ့နိုင်တယ်။

ခုတလော ဆယ်တန်း (၆) ဘာသာဂုဏ်ထူးနဲ့အောင်လို့ ကိုရင်ဝတ်တယ်ဆိုပြီးဝိုင်းလှော်ပေးနေကြတာတွေ့ရတယ်။ ကိုယ်တွေ့အရပြောရရင် တကယ့်တကယ်ရဟန်း တစ်ပါးအဖြစ်ဆိုတာ လွယ်ကိုမလွယ်တဲ့ကိစ္စ။ ဘုန်းဘုန်းအမြင်ကတော့ လူ့ဘဝဖြင့်ပင် လူ့ပညာရေးတစ်ခု ထူးထူးချွန်ချွန်ပြီးစေချင်တယ်။ ပါဠိစာပေကိုတောင် ဖြစ်နိုင်ရင် လူဝတ်ဖြင့်သင်ယူစေချင်တယ်။ သင်ယူရင်းဝိနည်းကိုစနစ်တကျလေ့လာ။ ခက်တာလွယ်တာခွဲခြား။ ပြီးမှရဟန်းအဖြစ်ခံယူတာက ပိုပြီးမြတ်တယ်။ ဒီလိုမဟုတ်ရင်ဝိနည်းတွေကများတယ်။ နောင်ကျမှသံသယဖြစ်လို့မလွယ်ဘူး။ ခုခေတ်ကျတော့ နိုင်ငံအတော်များများမှာ ထေရဝါဒသံဃာတွေက ရှိလာနေပြီ။

ဝိနည်းတွေဟာ အသေအချာသင်ယူလေ့ကျင့်မယ်ဆိုရင် ကျင့်စရာတွေချည်းပဲ။ မြန်မာ့နည်းမြန်မာ့ဟန်ကတော့ဟုတ်တာပေါ့ နိုင်ငံတကာပေါက်အောင်ဆိုတာကြတော့ အစစအရာရာတိကျမှရတယ်။ well-trained ဖြစ်နေမှသာ အဆင်ပြေတယ်။

ဘုန်းဘုန်းနဲ့ရင်းနှီးတဲ့ အမေရိကန်ဦးပဉ္ဇင်းတစ်ပါးကပြောတယ်။ မြန်မာ့နည်းမြန်မာ့ဟန်ဝိနည်းက အသက်ရှုပေါက်အတော်များတယ်တဲ့။ အဲဒီတစ်ချက်က မြန်မာကိုအထင်မကြီးတော့တာပဲ။ အဲဒီဦးပဉ္ဇင်းဟာ မြန်မာ့ဝိနည်းကို မယုံဘူး သူ့ဘာသာစာတတ်အောင်သင်ယူပြီး အသေအချာကျင့်တယ်။ နောက်ဆုံးသံဃာတစ်ထောင်ကျော်ကို ပါတိမောက်ပြသွားသေးတယ်။

အဲဒါကြောင့်နိုင်ငံတကာလက်ခံတဲ့ professional Buddhist monk ဖြစ်ချင်ရင်တော့ ငယ်ငယ်ကတည်းက ရည်ရွယ်ချက်ကြီးကြီးနဲ့ သင်ယူလေ့ကျင့်ထားမှသာအဆင်ပြေတယ်။ ဝိနည်းသီလမကောင်းရင်သမာဓိပညာဖြစ်ဖို့လည်း မလွယ်ဘူး။ နိုင်ငံတကာအဆင့်မှာ သူတို့က မြန်မာတွေစိတ်ဝင်စားတဲ့ သာမဏေကျော် ဘာညာတွေကို အထင်မကြီးဘူး သူဘယ်လိုကျင့်လည်းဆိုတာကိုသာ အထင်ကြီးစိတ်ဝင်စားကြတာ။

ဒါကြောင့် ယခုခေတ် သားသမီးအရွယ်ရှင်ငယ်ရဟန်းငယ်များ ဝိနည်းကိုသေချာသင်ယူကျင့်ကြံဖို့ သတိပေးပါရစေ။ ဒီလိုမဟုတ်ရင်တော့ နိုင်ငံတကာအဆင့်အထိပေါက်မြောက်ဖို့မလွယ်ဘူး။ ဒါနဲ့နိုင်ငံရေးလိုလို လူမှုရေးလို ဓမ္မကထိကလိုလို လအော့လအယ်ဖြစ်သွားရင်ဒုက္ခ။ စာချဘုန်းကြီးဖြစ်ရတာကကောင်းသေးတယ်။

ခုခေတ်မှာ နိုင်ငံတကာအဆင့်မှာ ထေရဝါဒရဟန်းသံဃာ အဖွဲ့အစည်းရှိနေပြီဆိုတာကို အထူးသတိပြုစေချင်ပါသည်။ သူတို့ကတစ်ပုံစံတည်းဖြစ်အောင်ညှိုနှိုင်းဆုံးဖြတ်ကျင့်သုံးတယ်။ အခုက ဘိက္ခူနီသာသနာတောင်မှ ထွန်းကားလာတာ အနှစ်သုံးဆယ်လောက်ရှိနေပြီ။ မြန်မာနိုင်ငံမှာက ထေရဝါဒအတူတူတောင်မှ ဂိုဏ်းဂဏကွဲရသေးတယ်။ ဒီထဲပုဂ္ဂလိက အယူသမားကလည်းရှိသေးတယ်။ ဒါကြောင့်နိုင်ငံတာအဆင့်အထိမရောက်နိုင်ဘဲ အမြဲနောက်ကျနေရတယ်။ အထူူးသတိထားမိစေဖို့။

ရ႒ပိ႑ျပည္သူ႔ဆြမ္းကိုစားေနရေသာ သံဃာႏွင့္ျပည္သူ႔ေမတၱာ အလြန္အစြမ္းႀကီးလွပံု

ရ႒ပိ႑ျပည္သူ႔ဆြမ္းကိုစားေနရေသာ သံဃာႏွင့္ျပည္သူ႔ေမတၱာ အလြန္အစြမ္းႀကီးလွပံု

ျပည္သူျပည္သားေတြရဲ႕ေမတၱာကိုခံယူၿပီးေတာ့ ျပည္သူျပည္သားေတြရဲ႕ ေမတၱာဟူေသာအဟာရဓာတ္ျဖင့္အလုပ္လုပ္ရသူမွန္သမွ် ျပည္သူ႔ေမတၱာဟာ တကယ့္အားေဆးပါပဲ။ ဒီလိုမဟုတ္ဘဲ ျပည့္သူ႔ေမတၱာေစာ္ကားရင္ေတာ့ အဲဒီေမတၱာေတြကအဆိပ္ရည္လိုျဖစ္ကာ သင့္ကိုေလာင္ေစပါလိမ့္မည္။ အဲဒီလိုပဲသီလသမာဓိပညာနဲ႔ျပည့္စံုတဲ့ သံဃာ့ဂုဏ္ေတာ္ေတြနဲ႔ ေန႔စဥ္ထံုမႊမ္းထားတဲ့ သံဃာေတာ္ကို ပစ္မွားမိျပန္ရင္လည္း အပူေလာင္တတ္တယ္။

ဒါေပမဲ့ ယေန႔အထိ ျပည္သူေတြဟာ သီလသမာဓိပညာအစြမ္းနဲ႔ေနထိုင္ၿပီး သံဃာ့ဂုဏ္ေတာ္ကိုးပါးနဲ႔အညီ အားထုတ္ေနထိုင္တဲ့ သံဃာကိုေစာ္ကားေလာက္ေအာင္ေတာ့ မ႐ိုင္းေသးဘူးထင္ပါတယ္။ အာဏာပါဝါနဲ႔ပတ္သက္လာရင္သာ ရဟႏၲာမ်ဳိးကိုပင္ အၿငိဳးအေတးထားရန္လုပ္တတ္တာမ်ဳိး သမိုင္းမွာရွိခဲဘူးတယ္။ ေဒဝဒတ္ကိုၾကည့္ေပါ့။ ခရစ္ေတာ္ကိုသတ္တာလည္း ႏိုင္ငံေရးအရသတ္လိုက္တာပဲ။ ဒီအတိုင္းကေတာ့ ေရႊျမန္မာေတြဟာ သာသနာကိုတကယ္ၾကည္ညိဳေလးစားတတ္ပါတယ္။ ဒါေၾကာင့္လည္းေထရဝါဒျမန္မာ့ေျမေပၚမွာ အၾကာႀကီးအျမစ္တြယ္ေနတာေပါ့။

ခု ဘုန္းဘုန္းဘာမွမဟုတ္တဲ့အဖ်ားတာေလးေတာင္မွ ဝိုင္းၿပီးေမတၱာေတြပို႔ေပးေနၾကတယ္။ ဘာပဲျဖစ္ျဖစ္က်န္းမာေရးမေကာင္းဘူးဆိုရင္ေတာ့ အနီးကေနအနီးကပ္ျပဳစုေစာင့္ေရွာက္ေပးၾကတဲ့တပည့္ဒါယကာမ်ားရဲ႕ ေမတၱာအားေဆးဟာ အလြန္တန္ဖိုးႀကီးလွသလို အေဝးကေနပင္ message ေလး လက္တစ္ဆစ္စာမွ် ပို႔သေပးၾကေသာ ေမတၱာဟာလည္းအလြန္တန္ဖိုးႀကီးတာပါပဲ။ မယံုမရွိၾကေလႏွင့္။ ေမတၱာတရားဟာ ပိုက္ဆံေပးဝယ္လို႔မရသလို အာဏာပါဝါျဖင့္ဓားျပတိုက္ယူလို႔လည္းမရဘူး။ ေမတၱာစစ္ရင္ႏွလံုးသားက အလိုလိုဖိတ္လွ်ံက်လာတတ္တာမ်ဳိး။

အားတကာအားထဲတြင္ ေမတၱာ၏စြမ္းအားဟာ တန္ဖိုးအႀကီးဆံုး စြမ္းအားအေကာင္းဆံုး ဆိုတာကိုဘုန္းဘုန္းကိုယ္တိုင္ လက္ေတြ႕ပို႔လႊတ္အားထုတ္ ႏွလံုးသားျဖင့္လက္ခံယုံၾကည္ထားသလို ဘုန္းဘုန္းအေပၚၾကည္ညိဳေလးစားမႈရွိသူမွန္သမွ် ဗုဒၶတပည့္မ်ားျဖစ္က လက္ခံထားၾက။ ခုေခတ္မွာေတာ့ သိပၸံပညာက ေမတၱာပို႔လို႔ေရာက္မေရာက္ကို စမ္းသပ္လက္ခံထားၾကၿပီ။

မေန႔ကဘုန္းဘုန္းရဲ႕ အေဝးကအအခ်ဳိ႕ပည့္မ်ားက ဖုန္းဆက္ၿပီးမာေၾကာင္းသာေၾကာင္းအမွတ္ရေၾကာင္း ဘုန္းဘုန္းသင္ေပးလိုက္တဲ့ပညာနဲ႔ အလုပ္လုပ္ရတာအဆင္ေျပေၾကာင္း ဘုန္းဘုန္းေမတၱာကိုလည္း အၿမဲခံယူေၾကာင္း ဘုန္းဘုန္းေပးလိုက္တဲ့မနက္တိုင္း အိပ္ရာထတာနဲ႔ သရဏဂုဏ္ကို I take a refuge in the Buddha. အစရွိသျဖင့္ ပါဠိအဂၤလိပ္ျမန္မာ သံုးဘာသာလံုးျဖင့္ ဗုဒၶဓမၼသံဃာဆိုတဲ့ အရည္အေသြးေတြထဲႏွစ္ၿပီး သရဂုဏ္ယူဖို႔ သင္ထားတဲ့အတိုင္း လုပ္တာ အဆင္ေျပေၾကာင္း ဘုန္းဘုန္းရဲ႕ေမတၱာတာရားနဲ႔လည္း ပိုၿပီးနီးစပ္လံုျခံဳသလိုခံစားရေၾကာင္း အစရွိသျဖင့္အခ်ဳိ႕ အေဝးေရာက္တပည့္မ်ားက ဖုန္းဆက္ပါတယ္။

✔️✔️✔️ငါေနမေကာင္းဘူးေျပာမွသာ “ဟုတ္လားဘုရား”လို႔ ေျပာၾကေတာ့။ အင္းငါ့တပည့္ေတြကိုယ္တိုင္ Facebook သံုးၾကၿပီး သူတို႔ Facebook ေပၚတင္ေပးလိုက္တာကို အယံုအၾကည္မရွိၾကတာလား။ မဖတ္ဘဲေက်ာ္လိုက္ၾကလို႔လား မသိဟန္ေဆာင္တာလား စသည္ေပါ့ေလ တပည့္မ်ားကို ေပ်ာ္ေစပ်က္ေစမွ်စတာပါ။ အဲၾကမွသာ ေမတၱာေတြတြန္းပို႔ေပးေနၾကတယ္။ ✔️✔️✔️

အဲဒါေၾကာင့္ထင္ပါရဲ႕ ဘုန္းဘုန္းအိပ္ယာႏိုးေတာ့ ထံုးစံအတိုင္းသရဏဂုဏ္ယူ ဝင္သက္ထြက္သက္ကေန တစ္နာရီ ဝိပႆနာဘက္ဆက္ ေနာက္ အနီးေနမွစ၍ တစ္ကမ႓ာလံုးအထိ ႏွစ္နာရီခန္႔ ေမတၱာပို႔သၿပီးေတာ့ ဒီေန႔ငါ့စိတ္ေတြ အထူးၾကည္လင္ေပါ့ပါးေနပါတယ္ အိပ္လို႔လည္းေကာင္း တရားထိုင္လို႔လည္း ေအးေအးေလးနဲ႔ အလြန္ေကာင္း။

ခုမနက္ ၆ နာရီ ထံုးစံအတိုင္း မနက္တရားတစ္ခ်ိန္ၿပီးလို႔ မ်က္ႏွာစာအုပ္ႀကီး(Facebook)ကို ဖြင့္ၾကည့္လိုက္ေတာ့ ပို႔သထားတဲ့ေမတၱာေတြအမ်ားႀကီးကိုေတြ႕လိုက္ရတယ္။ အဲဒါေၾကာင့္ ဒီေန႔ေဆးတစ္ႀကိမ္ေသာက္ၿပီးရင္ေတာ့ က်န္းမာေတာ့မယ္လို႔ယံုၾကည္ထားပါတယ္။ တစ္ထပ္စားတဲ့ဘုန္းႀကီးဆိုေတာ့ ၈ နာရီဆြမ္းစားခ်ိန္အထိေစာင့္ရမွာေပါ့ေလ။

ခု အမွန္ေျပာေနတာပါ။ ပို႔သတဲ့ေမတၱာေတြ အကုန္ေရာက္ပါတယ္။ ဘုန္းဘုန္းပို႔သေပးေနတဲ့ေမတၱာကိုလည္းေန႔စဥ္ခံယူၾကပါ။ ခံယူသူေတြရေနမွာပါ။ ၿပီးရင္ အိပ္ယာထထျခင္း ဗုဒၶဂုဏ္ေတာ္ ဓမၼဂုဏ္ေတာ္ သံဃဂုဏ္ေတာ္ေတြကို ႏွလံုးသြင္းၿပီးသရဏဂုဏ္ယူပါ။ မနက္အိပ္ယာထတိုင္းလုပ္ပါ။ အဂၤလိပ္လိုတတ္သူက အဂၤလိပ္လိုပါ အေလ့အထရေအာင္သရဏဂုဏ္ယူပါ။ ၿပီးရင္ဝင္သက္ထြက္သက္ ၅ မိနစ္ခန္႔လုပ္ပါ။ အဲဒီစုစည္းမႈသမာဓိစိတ္ျဖင့္ ကိုယ္ေစာင့္နတ္ကစလို႔ မိမိခ်စ္ခင္သူမိဘဆရာသမားသူငယ္ခ်င္းမ်ားဆီေမတၱာပို႔ပါ။ အက်ဳိးရွိပါလိမ့္မယ္။

အနီးဆံုးအနီးကပ္ျပဳစုေပးတဲ့ ဘုန္းဘုန္းေဆးမထိုးဘူးဆို မထိုးေပးဘဲ ေနရဲတဲ့ ဆရာႀကီးဦးဟန္ၫႊန္႔ (ၿမိဳင္ေဆးရံု)ကစလို႔ အားလံုးရဲ႕ေမတၱာ ေၾကာင့္ ဘုန္းဘုန္းေတာ့ဒီေန႔ ေဆးတစ္ႀကိမ္ေသာက္ၿပီးရင္ သက္သာေပ်ာက္ကင္းၿပီဆိုတာကိုလည္းယံုေနပါတယ္။ ပံုမွန္ေရခ်ဳိးစာေရးတရားေဟာအကုန္ပံုမွန္အတိုင္းလုပ္ပါေတာ့မယ္။ ဗိုက္နည္းနည္းနာေနတာလည္း သက္သာခြင့္ရေတာ့မွာပါ။ အဲဒါအားလံုးအနီးေနအေဝးေနေတြရဲ႕ ေမတၱာတရားစစ္ေၾကာင့္ျဖစ္ပါေၾကာင္း။ မဂၤလာမနက္ခင္းမွာ မဂၤလာသတင္းေပးလိုက္ပါရေစ။

ကမ႓ာေထာင့္ေပါင္းစံုကသိပၸံနည္းက်ေထရဝါဒ

ကမ႓ာေထာင့္ေပါင္းစံုကသိပၸံနည္းက်ေထရဝါဒ

(ေျမႇာက္ေျပာေနသည္မဟုတ္ေအာက္ပါကေနဒါလူမ်ဳိးဆရာေတာ္ႀကီးႏွစ္ပါးဟာဝါေတာ္ကိုအေတာ္ရေနကုန္ပါၿပီ ခုဆိုေက်ာင္းထိုင္ဘုန္းႀကီးေတြျဖစ္ကုန္ၿပီ)

ကေနဒါဘက္မွာေတာ့ ကေနဒါလူမ်ဳိး ဆရာေတာ္ၾကီး အရွင္ေသာနေထရ္ဦးစီးတည္ေထာင္ထားတဲ့ သီတ၀န ေထရဝါဒေတာရေက်ာင္း (Sītavana Theravāda Forest Monastery)ကေနျပီး ကေနဒါျပည္သူျပည္သားေတြနဲ့ တစ္ကမ႓ာလံုးဆီသို႔ ျမတ္ဗုဒၶရဲ့ စၾကာ၀ဠာတည္ေဆာက္ထားပံုကို ဒီလိုေဆြးၾကရင္း ပညာေပးေဟာေျပာပြဲျဖင့္ ဗုဒၶဘာသာအေၾကာင္းကိုသင္ျပေပးၾကပါတယ္။

ျမန္မာ့ေထရ၀ါဒီရဟန္းရွင္လူအေပါင္း မိမိတို႔ႏိုင္ငံရဲ့ေထရ၀ါဒအေျခအေနဟာ ဘာျဖစ္ေနလဲ ဆင္ျခင္ႏိုင္ၾကေစဖို႔ပါ။ ကိုေတာ္ေတြကိုႏိုင္ငံေရးထဲမေရာက္ေရာက္ေအာင္တြန္း ကိုေတာ္ကလည္းကိုယ္ေရြးခ်ယ္ထားတဲ့ရဟန္းသံဃာဘဝအႏွစ္သာရေတြကိုနားမလည္ေတာ့ အတင္းအဓမၼ လိုသလိုဆြဲ သူလုပ္ေနတဲ့ႏိုင္ငံေရးကိုပဲ ဗုဒၶကခြင့္ျပဳထားသေယာင္ အဓိပၸါယ္ေတြေလွ်ာက္ဖြင့္။ တခါဗဟုသုတမရွိတဲ့မီဒီယာေတြကအင္တာဗ်ဴးေတြလုပ္ဖြေပး။ ပိုပိုရႈပ္ေထြးၿပီးအကုသိုလ္ေတြမ်ားလာတယ္။

ရဟန္းသံဃာကိုအင္တာဗ်ဴးတဲ့မီဒီယာသမားဟာ အနည္းဆံုးဗုဒၶဘာသာကဘယ္လိုအဓိပၸါယ္၊ ရဟန္းဆိုတာဘာအဓိပၸါယ္၊ ႏိုင္ငံေရးဆိုတာက ဘာအဓိပၸါယ္၊ ရဟန္းတို႔ရဲ႕ပဓာနအလုပ္ကဘယ္ဟာစသည္ျဖင့္ ဗဟုသုတရွိထားၿပီးမွာသာ အခ်က္က်က်အင္နာဗ်ဴးလုပ္ႏိုင္မယ္ လမ္းမွန္ေပၚကိုတည့္တည့္ေရာက္ေအာင္ အင္တာဗ်ဴးလုပ္ႏိုင္မယ္။

ဒီမလုပ္ဟုရင္ ေက်းဇူးတင္ပါတယ္ဘုရားဆိုၿပီး ပိုရႈပ္ေထြးသြားေစမယ္။ အရွင္ဘုရားတစ္ေန႔ တရားဘယ္ႏွစ္နာရီမ်ား အားထုတ္ပါသလဲဘုရားလို႔ အင္တာဗ်ဴးလုပ္တဲ့သူမေတြ႕ရဘူး။ အရွင္ဘုရားသိပၸံနည္းက် ဗုဒၶဓမၼေတြကကမ႓ာႀကီးကလက္ခံကုန္ၿပီ သိေတာ္မူပါသလားဘုရားလို႔ အင္တာဗ်ဴးလုပ္တာတစ္ခါမွမၾကားဖူးဘူး။

ႏိုင္ငံေရးဆိုရင္အင္တာဗ်ဴးလုပ္ၿပီ။ ဒီေတာ့ကိုေတာ္ေတြက တရားေဟာရင္ေတာင္ႏိုင္ငံေရးပါမွ လူအထင္ႀကီးတယ္ဆိုတဲ့ အယူအဆတစ္ခုရသြားၿပီ။ ဒါေၾကာင့္လည္း ကိုေတာ္ေတြက ႏိုင္ငံေရးလိုလို လူမႈေရးလိုလိုနဲ႔ အဲလိုနဲ႔ေရွ႕ကသာသကၤန္းေရာင္အသြင္နဲ႔ ေဒါင္းလိုကေနတာ ေနာက္ကဖင္ေပၚၿပီးလူရယ္စရာျဖစ္ေနတာမသိဘူး။

ဒီေန႔ျမန္မာ့ေထရဝါဒရဲ႕အက်င့္အေတြးအေခၚ အယူအဆအသြင္အျပင္ေတြကို ကမ႓ာ့ပညာတတ္ေတြ ပညာရွင္ေထရဝါဒအစစ္ေတြကမႀကိဳက္ဘူး။ လယ္တီတို႔ ေဝဘူတို႔ မဟာစည္တို႔ ဦးဘခင္တို႔ စသည္ေရွးကေထရဝါဒအရွိန္အဝါကိုသာ ကမ႓ာႀကီးကမ်က္စိက်စိတ္ဝင္စားၾကတာ။ သတိထားၾကဖို႔ပါ။

အႀကီးႀကီးကိုခက္ပါတယ္။ သင္တို႔နားလည္သည္ျဖစ္ေစ နားမလည္သည္ျဖစ္ေစ ေထရ၀ါဒရဲ့ သိပံၸပညာႏွင့္ကိုက္ညီမႈေၾကာင့္ ကမ႓ာ့ပညာရွင္ပညာတတ္ေတြကေတာ့လက္ခံျပီး ကမ႓ာႀကီးကို အၾကီးအက်ယ္ပညာေပးေတြလုပ္ေပးေနပါျပီ။

သင္တို႔အေတြးအေခၚေတြကို update လုပ္ၿပီး အဆင့္ျမွင့္ရင္ျမွင့္ မျမွင့္ဘဲဒီအတိုင္း အစဥ္အလာရဟန္းတို႔ရဲ႕ျပႆနာေတြကို အာရံုယူႏွလံုးသြင္း ဆဲသူကဆဲ ဆိုသူကဆို ဟုတ္တယ္မဟုတ္ဘူးအျငင္းပြားတဲ့သူကပြား ဦးေဆာင္ဦးရြက္ျပဳတဲ့သူရွိျပန္ေတာ့လည္း ကိုယ္ပိုင္ဆံုးျဖတ္ခ်က္ျဖင့္ ျပတ္သားစြာလက္မခံႏိုင္ဘဲ ေယာင္ေတာင္ေတာင္လုပ္ေနၾကျပန္တယ္။

ဒီလိုသာေပေတေနလို႔ကေတာ့ သင္တို႔သူမ်ားအမွီးဆြဲျပီးေနာက္ကလိုက္ကာ သူမ်ားအီးနံ႕ခ်ီးနံ႕႐ွဴလွ်က္ မရွက္မေၾကာက္အသက္ရွင္ၾကေလဦးေပါ့။ ဘာပဲျဖစ္ျဖစ္ျမန္မာ့ေထရဝါဒဟာ အေတာ္ကိုကမ႓ာႀကီးနဲ႔အလွန္းကြာခဲ့ပါၿပီ။ မဟုတ္တဲ့ hand phone 📱 ကိုင္ၿပီး အင္တာနက္မွာ လုပ္ခ်င္ရာလုပ္လွ်က္အခ်ိန္ျဖဳန္း အႏွစ္သာရျဖစ္တဲ့ပရိယတ္ပဋိပတ္ေတြကိုေတာ့ ေခတ္မီေအာင္ update လုပ္ႏိုင္စြမ္းမရွိၾကေတာ့ဘဲ လူထြက္တဲ့သူကထြက္ မထြက္တဲ့သူကလည္း ေပေပေတေတေန။ ဓမၼစစ္ေတြကအိပ္ေပ်ာ္ခြင့္ရ အဓမၼအဝိနယေတြက ေရွ႕မွာေပၚခြင့္ေတြရ။

တကယ္ဆိုရင္ ဗုဒၶဓမၼေတြက က်က္သေရအလြန္ရွိ က်င့္ၾကံဝတ္ဆင္သူေတြကို စိတ္ဓာတ္ျဖဴစင္လွပေစတယ္။ ဗုဒၶဓမၼေတြကေခတ္မီရံုမွ်မက ေခတ္ေရွ႕ေျပးေနလို႔ ယခုေခတ္သိပၸံပညာရွင္ေတြလက္နက္ခ်ကာ ဗုဒၶဓမၼရဲ႕ ဧကာယန ျဖစ္တဲ့ သတိပ႒ာန္တရားအားထုတ္မႈေအာက္ကို အလင္းဝင္လာၾကေလရဲ႕။

တစ္ေန႔ႏွစ္မိနစ္မွ်ပင္အားထုတ္ၾကဖို႔ အႀကီးအက်ယ္တိုက္တြန္းပညာေပးေနႀကေလရဲ႕။ ထိုမွ်အားထုတ္မႈကပင္ လူတစ္ေယာက္ရဲ႕ဘဝအားမည္မွ်အထိအျပဳသေဘာေဆာင္ေျပာင္းလဲႏိုင္သည္ဆိုတာကို သူတို႔သိေနၾကၿပီေလ။

ျမန္မာႏိုင္ငံႀကီးနဲ႔ျမန္မာအမ်ားစုဟာ အင္ဂ်င္ေဟာင္းႀကီးတတ္ဆင္ေမာင္းႏွင္ေနတဲ့စက္အိုစက္ေဟာင္းႀကီးနဲ႔အလြန္တူတယ္။ တြန္းလို႔လည္းမေရြ႕ စက္နိႈးျပန္ေတာ့လည္းမႏိုးလာ ႏိုးလာျပန္ေတာ့ ညက္ညက္ေညာေညာမျဖစ္ဘဲ ဆူညံသံေပါင္းစံု။ အင္း—-ခက္ေနဆဲ ခက္ေနဆဲ ခက္ေနဆဲ။

UFO အခြားစကြာဝဠာကသတ္တဝါဆိုတာရှိလေသလား

UFO အခြားစကြာဝဠာကသတ္တဝါဆိုတာရှိလေသလား

UFO လို့ခေါ်တဲ့ ပန်းကန်ပြားပျံလို့ခေတ်စားခဲ့တဲ့ အခြားစကြာဝဠာက unidentified flying object ဆိုတာတွေဟာ ဗုဒ္ဓဘာသာစကြာဝဠာဗေဒအရဆိုရင် အစစ်ရှိပါတယ်တဲ့။ ဆွစ်နိုင်ငံသားကနေ ထေရဝါဒရဟန်းအဖြစ်ခံယူခဲ့တဲ့ အရှင်ဥတ္တမက လိုင်းပေါ်ကနေပို့ချပေးထားပါတယ်။

သူကတော့ မဟာစည်တပည့်စစ်စစ်ဖြစ်ပါတယ် မြန်မာပြည်မှာပဲ ရဟန်းအဖြစ်ကိုခံယူခဲ့သူပါ။ သို့သော် မြန်မာ့ဝိသုဒ္ဓိမဂ်ဝါဒ အဘိဓမ္မာဝါဒကိုတော့ ဝေဖန်ဆဲပါ။ ဒါက criticality ထွန်းကားခဲ့သော အနောက်နိုင်ငံများ၏ remarkable characteristic အဖြစ်သီးခြားလက်ခံပေးရမည့်အပိုင်းပါ။ သူဟာ ယခုအထိ မြန်မာသံဃာပုံစံဖြင့်ပဲ ဥရောပမှာနေထိုင်ဆဲပါ။ ခုတော့ သက်တော် ၆၈ လောက်ရှိသွားပါပြီ ဝါတော်လည်း ၂၀ ကျော်လောက်ရသွားပါပြီ။ သူတို့က သိပ္ပံနောက်ခံနဲ့ တရားတွေကို update လုပ်နေကြတာဆိုတော့ အလွန်စိတ်ဝင်စားစရာကောင်းပါတယ်။

မြန်မာပြည်မှာတော့ အလွန်အရည်အသွေးကောင်းတဲ့ဗုဒ္ဓဓမ္မတွေကို ဘယ်တက္ကသိုလ်ကမှ ပညာသင်ဘူးထားခြင်းမရှိတဲ့ ဘိုးဘိုးကြီးဘွားဘွားကြီးတွေ ဘိုးတော်ဘွားတော်တွေနဲ့ update လုပ်ပစ်လိုက်ကြတော့ superstition တွေ superstitious believer တွေ များလာတာပေါ့။

ခုတော့ ဆွစ်ဆရာတော်ကြီး အရှင်ဥတ္တမက သူ့ဘဝဇာတ်ကြောင်းနဲ့ သူ့ဘဝဘယ်လိုဗုဒ္ဓတရားတွေကိုစိတ်ဝင်စားခဲ့ပြီးရဟန်းအဖြစ်ရောက်ခဲ့ရပုံအထိရိုးသားစွာ ရှင်းလင်းပြထားပါတယ်။ ကမ္ဘာကြီးကတော့ ထေရဝါဒကို အရမ်းကိုအားပေးထောက်ခံနေကြပါပြီ။

သတိအထူးထားပြီးတော့ သင်တို့၏ခေတ်မမီတောတဲ့ ဘာသာရေးအယူသည်းဦးနှောက်တွေကို စနစ်တကျဆရာကောင်းသမားကောင်းနှင့် သတိပဋ္ဌာန်ဝိပဿနာအားထုတ်လျှက် update လုပ်ကြဖို့ထပ်မံတိုက်တွန်းလိုက်ပါရစေ။

ငွေနှင့်အာဏာကို ဗဟိုပြု၍ ဆက်ဆံရေးထူထောင်တတ်ကြသော မြန်မာ့အသိုင်းအဝိုင်းနှင့် ကမ္ဘာ့အခြေအနေ

ငွေနှင့်အာဏာကို ဗဟိုပြု၍ ဆက်ဆံရေးထူထောင်တတ်ကြသော မြန်မာ့အသိုင်းအဝိုင်းနှင့် ကမ္ဘာ့အခြေအနေ

မြန်မာအများစုသည် ငွေရှိမှအာဏာပါဝါရှိမှ လူတစ်ယောက်ကို အသိအမှတ်ပြုဆက်ဆံမည်ဟူသော concept ပေါ်၌ရပ်တည်ကြ၏။ ထိုလူတစ်ယောက်၏ ကိုယ်ရည်ကိုယ်သွေး ပါရမီဗီဇအလိုက် အားထုတ်နေကြသည်ကို မှန်နေသည်အောင်မြင်နေသည်ဆိုဦးတော့ လိုလိုလားလားအသိအမှတ်မပြုချင်ကြပေ။ ဤသည်ကား community တစ်ခုလုံး၏ အခြေအမြစ်ကျကျ ဖွံ့ဖြိုးမှုကို တူးဖြိုနေသကဲ့သို့ဖြစ်ပေ၏။ ဂုဏ်သိက္ခာရှိရှိရပ်တည်နိုင်မှုကို ဖြိုချဖျက်ဆီးနေသကဲ့သို့ဖြစ်ပေ၏။

ငွေနှင့်အဏာသည် လောဘအကုသိုလ်စေတသိက်နှင့် အလွန်နီးကပ်စွာဆက်ဆံရ၏။ ထိုလောဘအကုသိုလ်စေတသိက်သည် နတ်ဆိုးကိုသာအဖေါ်ပြု၏။ လူဆိုးလူမိုက်များကိုသာ အမှီပြု၍ရှင်သန်ခွင့်ရ၏။ ထို့ကြောင့်ဒုစရိုက်တို့ကို အားပေး၏။ ကိုယ့်အရည်အသွေးဖြင့် ရပ်တည်လိုကြသူများသည်ကား ရိုးသား၏။ ကြိုးစား၏။ ပွင့်လင်း၏။ ဂုဏ်သိက္ခာကိုတန်ဖိုးထား၏။ အကျင့်သီလကို အလေးဂရုပြု၏။ မိမိယုံကြည်ရာကို သူတပါးအားမထိခိုက်သည်ရှိသော် ရဲဝံ့ပြတ်သားစွာလုပ်တတ်၏။

ဤစရိုက်လက္ခဏာကို အမေရိကန် ဥရောပသားများနှင့် အင်္ဂလိပ်စကားပြောတတ်သော အင်္ဂလိပ်စာပေကိုလည်း တတ်မြောက်ထားသော နိုင်ငံတကာအသိုင်းအဝိုင်းနှင့် အတွေ့အကြုံရှိထားပြီးသော ပညာတတ်ပုဂ္ဂိုလ်များသဏ္ဍန်၌ တွေ့ရလေ့ရှိ၏။ ထိုသူများသည် တိတိကျကျလုပ်တတ်၏။ ယုံကြည်သည်ကို တစိုက်မတ်မတ် သိက္ခာရှိရှိဇွဲရှိရှိ စွဲစွဲမြဲမြဲ အဓိဋ္ဌာန်ခိုင်ခိုင်လုပ်ကိုင်တတ်ကြ၏။

မြတ်ဗုဒ္ဓအလောင်းတော်ဘဝက ဖြည့်ကျင့်ခဲ့သော သစ္စာပါရမီ အဓိဋ္ဌာန်ပါရမီ ပညာပါရမီ သီလပါရမီ ဝီရိယပါရမီတို့သာဖြစ်ပေ၏။ မြတ်ဗုဒ္ဓအလောင်းတော်ဘဝတွင် ထိုပါရမီများကို ဗုဒ္ဓဘာသာဝင်ဖြစ်ခြင်းကြောင့်ဖြည့်ကျင့်ခဲ့သည်မဟုတ်ပေ။ ဂုဏ်သိက္ခာဖြင့် နေထိုင်တတ်သော လူသားစစ်စစ်တစ်ယောက်တွင် ရှိသင့်ရှိထိုက်သော အရည်အသွေးများရှိစေရန်သာ ကျင့်ကြံအားထုတ်ခဲ့ခြင်းဖြစ်ပေ၏။ ထိုအရည်အသွေးများကို ဥရောပသားအမေရိကန်သားများနှင့် အင်္ဂလိပ်စကားပြောပညာတတ်များတွင်များစွာတွေ့ရလေ့ရှိပေ၏။

ယခုလည်း အမေရိကန်သိပ္ပံပညာရှင်များ ပညာတတ်များ ဆရာဝန်ကြီးများ အတွေးအခေါ်ပညာရှင်များ စိတ်ပပညာရှင်များနှင့် ကမ္ဘာတလွှားမှ ပညာရှင်ပညာတတ်ပေါင်းစုံလူကြီးလူကောင်းသူတော်ကောင်းများသည် “universal ethic”ဟူသော အများကျင့်နိုင်မည့် လူသားတိုင်းကျင့်ရမည့် လူ့ကျင့်ဝတ်စံတန်ဖိုးတစ်ခု သပ်မှတ်ပေးရန် တိဘက်ခေါင်းဆောင် ဘုန်းတော်ကြီးဒလိုင်လားမားနေထိုင်ရာ အိန္ဒိယနိုင်ငံ Dharmsala ဒေသတွင် ဘုန်းတော်ကြီးနှင့် တစ်ရက်လျှင်သုံးနာရီခန့် ငါးရက်တိုင်တိုင် ဆွေးနွေးခဲ့ကြပြီးဖြစ်၏။

ပြီးခဲ့သောနှစ်များကတည်းက “mindfulness, compassion and the actions by these qualities”တို့ဖြင့် ပညာရေးတွင်သတ်မှတ်ပြဋ္ဌာန်း ပညာပေးအလုပ်များလုပ်ခဲ့ကြရာ အလွန်အောင်မြင်ကြောင်း ပြောပြကြပေ၏။ တကယ်တော့ ကမ္ဘာ့ပညာတတ်များက ဗုဒ္ဓဓမ္မကိုအခြေခံ၍ “universal ethic” ရေးဆွဲ အားထုတ်လာကြသည့်တိုင်အောင် မြန်မာပြည်၌ကား ထိုအရည်အသွေးများကို စတင်နားလည်ရန်ပင် အတော်အားထုတ်ယူရပေဦးမည်။

ယခုအချိန်အထိ ငွေနှင့်အာဏာရှိသူကို ကပ်ထားမှပေါင်းထားမှသာ ငါလည်းအသက်ရှင်၍ရမည်ဟူသော အယူအဆသည် မြန်မာ့အသိုင်းအဝိုင်းကြားတွင် အခိုင်အမာရှိနေဆဲဖြစ်၏။ ထိုအယူအဆရှိနေသေးသမျှ မကောင်းမှုကိုအားပေးနေပေလိမ့်ဦးမည်။ corruption များကိုတိုက်ဖျက်ရန် ခက်နေပေလိမ့်ဦးမည်။ အရည်သွေးရှိသူများကို ကျီးအာသလိုအာ၍ ရပ်တည်၍ခက်ခဲအောင် သိက္ခာမဲ့စွာလုပ်ကြပေလိမ့်ဦးမည်။ ကိုယ့်ကိုကိုယ်ယုံကြည်ချက်များ ဆုံးရှုးနေပေလိမ့်ဦးမည်။ ကိုယ့်ကိုကိုယ် ယုံကြည်မှုအပြည့်အဝမရှိသေးသမျှ ဘယ်အရာကိုမဆိုသိက္ခာရှိရှိ လုပ်နိုင်ဦးမည်မဟုတ်ပေ။

ဗုဒ္ဓဓမ္မသည်ကား ကိုယ့်ကိုကိုယ့်ယုံကြည်မှုအပြည့်ရှိနေအောင် တိတိကျကျစဉ်းစားတွေးခေါ်လုပ်ကိုင်ပြောဆိုတတ်အောင် လမ်းညွှန်ပေးနေသော guide book 📚 ဟု ဆိုမည်ဆိုကဆိုနိုင်ပါကြောင်း။ သူတော်ကောင်းဓာတ် ဓမ္မမြတ် လူနတ်တိုင်း၌တည်စေသော်။

အချိန်တိုင်းဓမ္မနှင့် လောကမည်သို့သဟဇာတဖြစ်အောင်လုပ်ရမည်ကို အားထုတ်နေသော ဗုဒ္ဓဓမ္မကိုအနှစ်သာရမပျက်စေဘဲ ခေတ်သစ်အတွေးအခေါ် သိပ္ပံပညာတို့ဖြင့် အမြဲ update လုပ်ပေးနေသော ကမ္ဘာ့ဘယ်နေရာရောက်နေနေ သင်တို့အပေါ် မေတ္တာထားနေမည့် သင်တို့၏ဘုန်းဘုန်း။

သစ္စာမြိုင်တောရဓမ္မမိသားစု၏ ယခုနှစ်သင်္ကြန်တရားစခန်းနှင့်ထူးခြားဖြစ်စဉ်

သစ္စာမြိုင်တောရဓမ္မမိသားစု၏ ယခုနှစ်သင်္ကြန်တရားစခန်းနှင့်ထူးခြားဖြစ်စဉ်

ယခုတစ်ပတ်တရားစခန်းတွင် အသက် ၈၅ နှစ်ရှိနေပြီဖြစ်သော မိမိနှင့်နှစ်ပေါင်း ၃၀ ကျော်လောက်ဝေးနေပြီဖြစ်သော မိမိ၏ဒါယကာကြီး တရားစခန်း ဝင်ရောက်အားထုတ်သည်ကား ထူးခြားဖြစ်စဉ်ဟုဆိုရမည်။ ဒကာကြီးသည် မိမိဟောကြားသင်ပြနေသော တရားအနှစ်အသားများကိုနှစ်ထောင်းအားရဖြစ်သွားသည်ကား အထူးခြားဆုံးဟုဆိုရပေမည်။ မိဘကျေးဇူးအထူးဆပ်ခွင့်ရလိုက်ခြင်းပေတည်း။

မိဘများကို ပုခုံးပေါ်တင်ပြီးတစ်သက်လုံးအထူးကျေးဇူးဆပ်လျှင်ပင် ကြေနိုင်ဖွယ်မရှိသောမိဘကျေးဇူးသည် ဓမ္မဖြင့်ဆပ်လျှင်ကား အမှန်တကယ်ကြေနိုင်လေတော့၏။ ယခုအခါမိမိသင်ပြနေသောတရားအနှစ်များကို ဒကာကြီးသည် သူပင်မကသူ့အသိုင်းအဝိုင်းကိုပါ သိစေချင်နေသည်ကားအလွန်ထူးခြားနေပေ၏။

မိမိဆုံးမသင်ပြပေးခဲ့ပြီး အဆင်မပြေလျှင် ဆူပူသည်ကိုပင် သည်းခံလျှက် မိမိအားအမြဲတစေ မိသားစုစိတ်နှလုံးသားဖြင့်နေပေးသော မိမိ၏တပည့်ဒါယကာအရင်းများဖြစ်ကြသည့် ဦးခင်စိုးဒေါ်စပယ်အောင်မိသားစု၏နူးညံ့သိမ်မွေ့သည့်မေတ္တာ ရက်ရောဖော်ရွေသည့် စိတ်ဓာတ်များကြောင့် မိမိ၏ဖခင်ကြီး သစ္စာမြိုင်တောရသို့တရားစခန်းဝင်ရန်ရောက်လာခဲ့ရခြင်းဖြစ်ပေ၏။

မိမိ၏ဖခင်ကြီးတရားစခန်းဝင်စဉ် ဓမ္မဖြင့်နေတတ်ထိုင်တတ်အောင် မိမိကိုယ်တိုင်စိတ်တိုင်းကျလေ့ကျင့်ပျိုးထောင်ပေးထားပြီးဖြစ်သောမိမိ၏သစ္စာမြိုင်တောရ ဓမ္မမိသားစုဝင်ဓမ္မသားသမီးများသည်လည်း အရည်အသွေးပြည့်ဝစွာ နွေးထွေးသောမေတ္တာတရားများဖြင့် ဆက်ဆံမှုကြောင့် မိမိ၏ဖခင်ကြီး ရသင့်ရထိုက်သော တရားအသိကိုရသွားခြင်းဖြစ်ပေ၏။

မိမိ၏တပည့်အရင်းဖြစ်သည့် တီကျစ်မှသန်းထိုက်ကိုလေးသည်လည်း တိုက်တိုက်ဆိုင်ဆိုင်တရားစခန်းဝင်ရောက်လာကာ တစ်စခန်းလုံးဒကာကြီးကိုအနီးကပ်ပြုစုပေးသွား၍ မိမိမွေးခဲ့ရသည့်တပည့်များ၏အရည်အသွေးကိုခံစားရမိကာ ပို၍ကြည်နူးရပေသေး၏။

ဤတပည့်ဒါယကာများသည် တရားနှင့်ထိုက်တန်ကြ၏။ သာသနာပြုရန်ကံအကြီးကြီးရှိကြ၏။ နိုင်ငံတကာအဆင့် သာသနာပြုအလုပ်လုပ်ရန်အလွန်ထိုက်တန်ကြ၏။ မိမိ၏တပည့်ဒါယကာများ၏ဓမ္မအရည်အသွေးကို မိမိကိုတိုင်ထိထိမိမိခံစားမိ၍ သာသနာပြုအလုပ်အတွက်အားတက်မှုဖြစ်ရပေ၏။

ဤတရားစခန်းတွင် စင်္ကာပူမှတပည့်မလေးသည် သူ့ကိုယ်သူမိမိထံ၌လေ့လာသင်ယူခွင့်ရ၍ကံကောင်းသည်ဟုအကြိမ်ကြိမ်ဆို၏။ ယောဂီဒကာမလေးတစ်ယောက်သည်ကား စာဖတ်၍မရသောမျက်စိစာဖတ်၍ရလာသည်ဟုဆို၏။ ဇက်နာ၍ဦးခေါင်းလှည့်မရသော ယောဂီဒကာတစ်ယောက်က ဦးခေါင်းလှည့်ရသွား၍စိတ်ချမ်းသာသည်ဟုဆို၏။ အသံမထွက်၍ စာသင်ရန်အခက်အခဲဖြစ်နေတာအနည်းငယ်ကြာနေပြီဖြစ်သော ယောဂီတစ်ယောက်က အသံပြန်ထွက်လာ၍ဝမ်းသာသည်ဟု အကြောင်းကြားလာ၍စိတ်ချမ်းသာရ၏။ တရားစခန်းမဝင်ဘူးသေးသော မိမိ၏ဆွေမျိုးလိုဒါယကာဒါယကာမများ တရားစခန်းဝင်ရောက်အားထုတ်ကြသည်လည်း ထူးခြားဖြစ်စဉ်တည်း။

အင်း မေတ္တာတရားနှင့်ဓမ္မအရည်အသွေးပေါင်းစပ်မိသောအခါ ချမ်းသာမှုတွေသရဖူဆောင်းပါပေါ့ဟု ရှုမြင်မိလေတော့၏။

အားလုံးသတ္တဝါ ဘေးရန်ကွာ ချမ်းသာကိုယ်စိတ်မြဲပါစေ။
သတ္တဝါမှန်သရွေ့ တရားတွေ့ ချမ်းမြေ့သာယာရှိပါစေ။
ဗုဒ္ဓမြတ်စွာ သာသနာ ကမ္ဘာအနံံှ့ရောက်ပါစေ။
သူငါများစွာ တန်ဖိုးရှာ လူ့ရွာနေကျိုးနပ်ပါစေ။

Question and Answer အမေးနှင့်အဖြေ

Question and Answer

မေး။ ။မြန်မာပြည်၌မြန်မာလူမျိုးစစ်စစ်တွေကို အင်္ဂလိပ်စကားလုံးများ ဖြတ်ညှပ်ကပ်ထည့်ကာတရားဟောပြောနေကြသည်ကို ဆရာတော်ဘုရားဘယ်လိုရှုမြင်ပါသလဲဘုရား။ အင်္ဂလိပ်စကားကို တတ်တတ်တုတုကျွမ်းကျင်ပြီးပြည်တွင်းပြည်ပလှည့်လည်သာသနာပြုနေသော ဆရာတော်တစ်ပါးဖြစ်၍သာမေးလျှောက်ခြင်းပါဘုရား။

ဖြေ။ ။Meditation ဆိုတဲ့ ဝေါဟာရ Globalize ဖြစ်လာတဲ့အခါမှာ စာတတ်ပေတတ် နာမည်ရှေ့နာမည်နောက်က ဘွဲ့ထူးဂုဏ်ထူးရှည်သူတွေ အထူးသတိထားပေးရမှာပါ။ ဥပမာ။ ။နာမည်ရှေ့က Dr.—— တို့ PHD.——တို့ ပေါ့။ အနောက်နိုင်ငံဘက်က အင်္ဂလိပ်လေကို သိပ်အလိုက်များရင် ဗုဒ္ဓသင်ပြတဲ့ ပါဠိဘာသာနဲ့ရှိနေတဲ့ မ္မအစစ်အနှစ်သာရပျက်နိုင်ပါတယ်။ တတ်နိုင်သမျှ အမေရိကန်ဆရာတော်ကြီး ဘိက္ခုဗောဓိ လိုမျိုး ပါဠိကိုအပီအပြင်ရွတ်ဆိုပြပြီးမှ အင်္ဂလိပ်မြန်မာနှစ်မျိုးဖြင့်အသေအချာအနက်ပေးပြတာကပိုကောင်းပါတယ်။ ရှင်းရှင်းလင်းလင်းရှိစေပါတယ်။

ဘုန်းဘုန်းတို့ရွှေမြန်မာတွေဟာ တရားတော်နဲ့ပတ်သက်လျှင်လည်းကောင်း ပါဠိတော်ဓမ္မနှင့်ပတ်သက်လျှင်လည်းကောင်း သုတအတော်နည်းပါတယ်။ ယုံကြည်မှုသဒ္ဓါပိုင်းကပိုများပါတယ်။ ပြီးလျှင် critical understanding ကလည်း အတော်ကြီးကိုနည်းပါတယ်။ မြန်မာပြည်မှာတရားဟောနည်းကို စင်္ကာပူမှာနေတဲ့ စင်္ကာပူအစစ်တွေကိုဟောလို့ မရနိုင်ပါဘူး။ စင်္ကာပူတွေဟာ ဓမ္မကိုအလွန်လိုက်စားပါတယ်။ ပါဠိတော်နဲ့မကင်းကွာအောင်လေ့လာပါတယ်။ ဒီတော့သူတို့ရဲ့ဓမ္မအသိဉာဏ်ဟာ အလွန်အခြေခိုင်ပါတယ်။ ပြောရဟောရတာပညာရှင်ဆန်ဆန် ဟောပြောသင်ပြပေးလို့ရပါတယ်။

မြန်မာပြည်မှာတော့ တရားဟောတဲ့ဓမ္မကထိကတွေ အင်္ဂလိပ်စကားကိုပြောလာပြီဆိုရင် မြန်မာတွေကိုမြန်မာလိုပြောလို့ရပါလျှက် ဘာကြောင့်အင်္ဂလိပ်စကားညှပ်ပြောရသလဲဆိုတဲ့ critical မေးခွန်းတစ်ခုမေးဖို့လိုပါလိမ့်မယ်။ ဘုန်းဘုန်း (သစ္စာမြိုင်တောရဆရာတော် အရှင်ကေလာသ(မဟာဂန္ဓာရုံ) တရားဟောတရားပြရင်း အင်္ဂလိပ်စကားပြောပါတယ်။ ဘုန်းဘုန်းရဲ့တပည့်ပရိတ်သတ်တွေထဲမှာ အမြဲတမ်းနိုင်ငံခြားသားကပါနေတတ်သောကြောင့်သာဖြစ်ပါတယ်။

သို့သော် ဘုန်းဘုန်းသည် ပါဠိတော်မပါဘဲတရားကို အလွတ်ဟောလေ့မရှိပါဘူး။ ပါဠိတော်ကို ရေးပြရွတ်ဆိုပြပြီးမှသာ အင်္ဂလိပ်လိုမြန်မာလိုနှစ်ဘာသာဖြင့် ရိုးရှင်းစွာ ရှင်းပြလေ့ရှိပါတယ်။ မြန်မာကမြန်မာလို နိုင်ငံခြားသားကအင်္ဂလိပ်လို နားလည်အောင်လို့ပါ။ နိုင်ငံတကာစင်မြင့်ပေါ်မှာ ဘုန်းဘုန်း အကြည်ညိုအလေးစားရဆုံး ဆရာတော်ကတော့ အမေရိကန်ဆရာတော်ကြီး ဘိက္ခုဗောဓိဖြစ်ပါတယ်။ ဘိက္ခုဗောဓိဟာ ပါဠိတော်တွေရွတ်ဆိုပြီးမှ ဓမ္မကိုခေတ်နဲ့ဆီလျှော်အောင်ရှင်းပြလေ့ရှိပါတယ်။

ပါဠိတော်ကိုလွှတ်ထားပြီး အနောက်တိုင်းအင်္ဂလိပ်စာကိုအထင်ကြီးပြီး အနောက်တိုင်းကတရားဟောတရားပြဆရာတွေကိုအထင်ကြီးပြီး အင်္ဂလိပ်လိုတွေချည်းရွတ်ဖတ်ပြနေလို့ကတော့ ဓမ္မရဲ့အနှစ်သာရတွေမှတဖြေးဖြေးလွဲချော်နိုင်ပါတယ်။ အထူးသဖြင့် နာမည်ရှေ့နာမည်နောက်ကဘွဲ့တံဆိတ်တွေရှည်လျှားပြီး စင်မြင့်ပေါ်ရောက်ကာ လူလေးစားမှုကို ခံယူရရှိနေတဲ့ရဟန်းသံဃာများပိုပြီးသတိထားသင့်ပါတယ်။

အထူးသဖြင့်ဘုန်းဘုန်းတို့လိုသက်တော် ၅၀ ဝါတော် ၃၀ တန်း ပြည်တွင်းပြည်ပစင်မြင့်ပေါ်မှာ သာသနာ့တာဝန်ထမ်းနေကြတဲ့ ညီတော်နောင်တော် သံဃာတော်များ ပိုပြီးသတိထားသင့်ပါတယ်။

မြန်မာလူမျိုးဆရာတော်တစ်ပါးအနေဖြင့်ဆိုလျှင်ကား မြန်မာများနှင့်အဆင်ပြေအောင်ပြောရလျှင် သီတဂူဆရာတော်ကြီးအရှင်ဉာဏိဿရရဲ့တရားဟောပုံစနစ်ကိုကြိုက်ပါတယ်။ ဆရာတော်ကြီးဟာဘယ်သောအခါမျှ ပါဠိတော်အဋ္ဌကထာဋီကာတွေမှအလွတ်ပြောဟောလေ့မရှိပါဘူး။ ဓမ္မကထိကရဟန်းတော်များ နမူနာကောင်းအဖြစ်စံထားသင့်တဲ့ဆရာတော်ကြီးဖြစ်ပါတယ်။

ဓမ္မကထိကဆရာတော်များ မြန်မာများကိုချည်းဟောရာတွင် အင်္ဂလိပ်စကားမညှပ်ဘဲ ပါဠိမြန်မာနှစ်ဘာသာဖြင့် ရိုးရိုးရှင်းရှင်းဟောပေးကြပါလို့ပြောချင်ပါတယ်။ သိပ်ပြီး westernized ဖြစ်သွားတဲ့အခါ ဓမ္မအနှစ်သာရများလွဲချော်ပျက်စီးမည်စိုးရိမ်ရပါတယ်။ ဓမ္မသည်ပါဠိတော်အဋ္ဌကထာဋီကာများမှသာ အခြေခံဆင်းသက်သင့်ပါတယ်ဆိုတာကို အထူးသတိပေးလိုက်ပါရစေ။

ဒီခေတ်ဟာ internet ခေတ်ဖြစ်နေလို့ လူတိုင်းဟာ connected ဖြစ်နေပါတယ်။ ယခုဘုန်းဘုန်းတရားပြတရားဟောနေသည်ကို မည်သူမျှမသိဟုမှတ်လို့မရပါဘူး။ ယခုဘုန်းဘုန်း (သစ္စာမြိုင်တောရဆရာတော် အရှင်ကေလာသ(မဟာဂန္ဓာရုံ) ရေးသားပြောဆိုနေသည်များကိုလည်း အခြားဓမ္မကထိကဆရာတော်များ ကြည့်ရှုနားထောင်လေ့လာသင်ယူ မှတ်သားထားပြီးဖြစ်ကောင်းဖြစ်ပေလိမ့်မယ်။ ဘုန်းဘုန်းအနေဖြင့်ကား ပါဠိတော်ကိုအခြေမခံသော ဓမ္မများသည်သဘာဝမကျသောကြောင့် ပြည်တွင်းပြည်ပမည်သူကဟောပြသည်ဖြစ်စေလုံးဝအထင်မကြီးတတ်ကြောင်း ပြောလိုက်ပါရစေ။ ပြီးခဲ့သော November က စင်္ကာပူတွင်တရားပြစဉ်ကလည်း ဒီအဖြေကိုဖြေထားပြီးဖြစ်ပေ၏။

မေး။ ။ တင်ပါ ကျေးဇူးကြီးလှပါတယ်ဘုရား။ ဖြေသွားတာ ပြည့်လည်းပြည့်စုံလှပါတယ်ဘုရား။ ဆရာတော်ဘုရား ပြည်တွင်းပြည်ပ တစ်ကမ္ဘာလုံးမှာ ဓမ္မစစ်စစ်ကို သိပ္ပံနည်းကျဟောပြာသင်ပြ သာသနာ့တာဝန်ကို ကျန်းမာချမ်းသာစွာဖြင့်ဆောင်နိုင်ပါစေဘုရား။

ဖြေ။ ။ သာဓု သာဓု သာဓု။