ပြဿနာတစ်ခုဖြစ်ရင် ဘယ်လိုရှင်းမလဲ

ပြဿနာတစ်ခုဖြစ်ရင် ဘယ်လိုရှင်းမလဲ

လူရယ်လို့ဖြစ်လာရင် ဘယ်သူမှပြည့်စုံကြတာမဟုတ်တော့ ပြဿနာဆိုတာရှိတတ်ပါတယ်။ ပြဿနာရှိတာက အပြစ်မဟုတ်ပါဘူး။ ပြဿနာကိုမှန်ကန်စွာ မဖြေရှင်းချင်တာကသာအလွန်ကြီးလေးလှတဲ့အပြစ်ကြီးပါ။ အဖွဲ့အစည်းနဲ့လုပ်ရတဲ့အလုပ်တွေမှာ ပိုဆိုးပါတယ်။ လူကြီးလုပ်ရတဲ့သူမှာ ဟိုလူ့ငဲ့ရဒီလူ့ငဲ့ရ ပြဿနာတစ်ရပ်ကိုမှန်ကန်စွာရှင်းဖို့ အလွန်ကိုခက်ခဲနေတတ်ပါတယ်။ ကိုယ့်ဘာသာအိပ်ယာထဲရောက်မှ တစ်ယောက်တည်း လွတ်လပ်စွာငိုးချကာ အားလုံးကိုဘေးကင်းစေဖို့ မေတ္တာကိုသာနာနာပွားနေရတဲ့ လူကြီးမျိုးတွေလည်းရှိနေတတ်ပါတယ်။

ကိုယ့်ဘဝထဲမှာ ကြီးသည်ဖြစ်စေ ငယ်သည်ဖြစ်စေ ပြဿနာရယ်လို့မှတ်ယူခံရတဲ့ အရာတစ်ခုဖြစ်ပေါ်နေပြီဆိုရင် သင်္ခန်းစာအသစ်တစ်ခုအဖြစ် လက်ခံပါ။ ဒီပြဿနာကြောင့်ဖြစ်ပေါ်တဲ့ စိတ်ခံစားချက်ကို ဘယ်သူ့ထံမှ အလောတကြီးရင်ဖွင့်မပြပါနဲ့။ ဘာအကျိုးမှမရှိလို့ပါ။ ငါဖြေရှင်းနိုင်တယ်ဆိုတဲ့ ယုံကြည်ချက်ထားကာ အကောင်းဆုံး အမှန်ကန်ဆုံးနည်းဖြင့် လူကြီးလူကောင်းဆန်စွာ ဖြေရှင်းပါ။ ကလေးဆန်ဆန်မဖြေရှင်းပါနဲ့။

ပြဿနာရဲ့အကြောင်းရင်းကိုသိရင် ပြဿနာဆိုတာက ဖြေရှင်းလို့အလွန်လွယ်ပါတယ်။ ဒါပေမဲ့ပွင့်လင်းဖို့လိုတယ်။ ရိုးသားဖို့လိုတယ်။ တချို့ပြဿနာနာတွေက လူသိရှင်ကြားပွင့်လင်းရိုးသားဖို့လိုအပ်သလို တချို့ပြဿနာတွေက သက်ဆိုင်သူများသာပွင်းလင်းရိုးသားစရာလိုအပ်ပြီး စိတ်ချမ်းသာစွာ ဆက်လက်နေထိုင်သွားနိုင်အောင် ညှိုနှိုင်းအဖြေထုတ်ယူရတာတွေလည်းရှိတတ်တယ်။ အတ္တမာနတွေကိုခဝါချဖို့လည်းလိုအပ်ပါတယ်။

သူတော်ကောင်းတို့ရေ သတိလေးတော့အထူးထားပေးကြပါ။ မိမိကလည်းသူများကြောင့် နက်ရှိုင်းတဲ့စိတ်ခံစားချက်တွေမရစေကြနဲ့။ မိမိကြောင့်လည်းသူများကိုနက်ရှိုင်းတဲ့ စိတ်ခံစားချက်တွေရမသွားစေနဲ့။ အဲဒီစိတ်ခံစားချက်တွေဟာ နက်ရှိုင်းရင် နက်ရှိုင်းသလောက် ရုပ်ပိုင်းဆိုင်ရာကျန်းမာရေးကိုပါ ဒုက္ခပေးတတ်တယ်ဆိုတာကို အထူးသတိရှိစေချင်ပါတယ်။ ဘာပဲဖြစ်ဖြစ်ရိုးသားပွင့်လင်းစွာ အဖြေရှာရင်တော့ အဖြေဆိုတာကရှိနေပြီးသားပါ။ အတ္တမာနတွေကိုခဝါချပြီး မေတ္တာပညာအားကြီးစွာနဲ့ ဖြေရှင်းနိုင်ရင် ကွဲသွားကြတဲ့လင်မယားတွေပင် မောင်နှမလိုသူငယ်ချင်းလိုစိတ်မျိုးနဲ့ နေနိုင်ကြသေးတာပါပဲ။

အထူးသဖြင့်မဖြစ်နိုင်တော့တဲ့ အခြေအနေတစ်ခုကိုတွေးပြီး နောင်တရနေမယ်၊ အဲဒီအတွေးတွေကကိုယ့်ဘဝကို လွမ်းမိုးနေပြီဆိုရင် အလွန်ထိခိုက်နစ်နာစေပါတယ်။ သင့်ကျန်းမာရေးကိုပါ ထိခိုက်စေနိုင်ပါတယ်။ ဒါကြောင့်တွေးမိတိုင်း အတွေးစိတ်တိုင်းကို letting go လုပ်နိုင်အောင် မဖြစ်မနေကြိုးစားကြပါလို့ အကြံပြုပါရစေ။ ဝိပဿနာရှုတယ်ပေါ့။ ကိုယ့်စိတ်ကို မဖြစ်နိုင်တော့တဲ့ အတွေးတွေအလွမ်းမိုးမခံပါနဲ့။ မဆင်းရဲစေချင်လို့ပါ။

Author:

Ashin Kekasa is a graduate in Mathematics. He finished his both public and monastic educations. His major interest was Mindfulness-Based Vipassana Meditation instructed in Buddhism. He took six months long retreat course in Mahasi Meditation Center when he was a layman. After his six months long meditation practice, he became a Buddhist ordained in Mahasi Tradition. However, he wanted to know much more about Buddhist philosophy so he moved to Mahagandhayon monastery to study Pali scriptures seriously. He has spent teaching and practicing in Mahagandhayon monastery. He did it well. Then, he moved to the forest for his serious meditation practice. He founded his own forest meditation center 15 years ago. He has been conducting Vipassana retreat for laypeople twice a year. He has also been used to travelling to abroad since 2004 because he is invited by people to teach them meditation. It is just a brief biography of Ashin Kelasa.